Беларуская карчма

Хто сказаў, што “машыны часу” не існуе? Не верце!Такая машына есць і, што самае дзіўнае, гэта ваша машына: крыху газу, чатыры кіламетры ад кальцавой ― і вы ў 19 стагоддзi. Скажаце, не можа быць? Яшчэ як можа! Патрэбны доказы? Усе вельмі проста: праязджаем аўтарынак, потым мястэчка Азярцо і налева. Вось ен ― цуд! Вакол вас 19 стагоддзе. Вось невялічкі хутарок прымасціўся на узвышшы, далей адкос, а там і рака Пціч, крыху ўбок, і перад вамі прыгажун ― ветраны млын раскінуў свае агромністыя крылы, яшчэ крок ― уніяцкая царква, якая вабіць вас зайсці ўнутр. А вось і наша 'Беларуская Карчма', прывезеная калісьці з Несвіжскага раена. Яна зусім не змянілася за апошнія дзвесці гадоў. Гэты маленькі рэстаранчык пад саламяным дахам захаваў у сабе ўсю цеплыню і адкрытасць нашых продкаў.

 

Зайдзіце ўнутр, вас сардэчна сустрэнут, пасадзяць на шырокую лаву за вялiкi светлы драўляны стол, нібы у старой добрай бабулькі. Успомнілі? Толькі сюды i прыязджаць вялiкай шумнай кампаніей ― ніхто не будзе супраць!

Цяпер яшчэ адзін сюрпрыз ― наша беларуская кухня, такая разнастайная, такая смачная! Тут і салянка, і боршч. А салаты: і табе пад маянэзам, і пад салатнай запраўкай, і пад аліўкавым алеем, а запечаны у пячы судачок, а свінінка “Па-князску”, а цяляцінка “Троіцкая”, а дамашнія каўбаскі з засаленай грудзінкай, а гарачы хлебушак толькі з пячы ды з жывым піўком? Не, усе немагчыма пералічыць і за раз не паспрабаваць!

Тут святкуюць Масленіцу, Вялікдзень і Каляды з усімі векавымі традыцыямі. Справіць жа вяселле па старабеларускіх абрадах ― сапраўдная дзіковінка ў наш час, гэты дзень стане самым запамінальным у вашым жыцці.

Тут можна сабраць сяброў і правесці рыцарскі турнір ці гульбішча. Усе, на што здольна ваша фантазія, можа стаць рэальнасцю.

Прыязджайце, мы дакажам вам, што цуды магчымы!